Styrkja starf ABC barnahjálpar
Kaupa gjafabréf með eigin kveðju
Minningargjöf með ABC korti
Finna og styrkja ABC barn

Menntun er mikilvægasti hlekkurinn í að rjúfa vítahring fátæktar.
Tilgangur ABC barnahjálpar er að veita börnum varanlega hjálp í formi menntunar.
ABC barnahjálp er íslenskt hjálparstarf, stofnað árið 1988.

 Reikningsnúmer neyðarsjóðs er 515-14-303000 kt. 6906881589

Ljóðahópurinn okkar í ABC skólanum Star of Hope í Kenýa heldur áfram að gera stórkostlega hluti. 

alt

Fyrsta umferðin í forkeppni fyrir Kenya Music Festivals, sem er tónlistarhátíð á vegum stjórnvalda, er afstaðin og krakkarnir okkar fengu hæstu einkunn sem gefin hefur verið frá upphafi í þessari keppni. Í þessari fyrstu forkeppni áttust við hverfisskólar og framúrskarandi árangur krakkanna hefur tryggt þau í næstu forkeppni. Í ágúst á síðasta ári lauk keppni í tónlistarhátíðinni og endaði ljóðahópurinn í öðru sæti á landsvísu. 

alt

Forráðamenn Seðlabanks í Kenýa óskuðu sérstaklega eftir ljóðahópnum til að flytja listir sínar á 50 ára afmælishátíð stofnunarinnar í fyrra. 

 

 

Nemendur í Brekkubæjarskóla á Akranesi héldu bingó og söfnuðu 30.000 krónum fyrir ABC barnahjálp.

Að undanförnu hafa nemendur í 3. BS í Brekkubæjarskóla verið að kynna sér Barnasáttmála Sameinuðu Þjóðanna og farið ofan í kjölinn á réttindum og forréttindum barna. Ólíkum aðstæðum barna var velt upp og horfðu nemendur á myndband sem sýndi frá veruleikanum í fátækrahverfi í Nairobi í Kenýa. Eftir að hafa kynnt sér málið vildu nemendur láta gott af sér leiða og héldu bingó fyrir fjölskyldur nemenda. Bingóspjöldin voru seld og ákveðið var að gefa ágóðann til ABC.

Við hjá ABC barnahjálp þökkum kærlega fyrir okkur. 

 

 

Tilveran er erfið hjá Nankinda Laira en stuðningur til náms gefur von um betri framtíð. Hún býr í Úganda, á fjögur systkini og móðir þeirra býr með þeim.

Daglegt líf hjá fjölskyldu Nankindu er barátta til að lifa til næsta dags. Fátæktin er nær ólýsanleg en á heimili þeirra er engin salernisaðstaða og það er löng ganga fyrir hendi að næsta fáanlega klósetti. Á heimili þeirra eru tvær gamlar dýnur fyrir alla fjölskylduna, ekkert teppi og eru fötin notuð sem yfirbreiðslur. Í eldhúsinu eru fáeinir pottar, plastbollar og diskar. Hreint vatn er í um kílómetra fjarlægð.

Faðir Nankindu yfirgaf fjölskylduna fyrir fjórum árum síðan og ekkert hefur spurst til hans síðan þá. Þau vita ekki einu sinni hvort hann er lífs eða liðinn.

Það er erfitt að ímynda sér að fólk skuli enn í dag búa við slíka fátækt. Þrátt fyrir allt er fjölskyldan mjög þakklát fyrir stuðninginn sem Nankinda fær og heldur í vonina um bjartari framtíð.

alt alt

Hjónin Hilmar Kristinsson og Anna Þorsteinsdóttir vörðu tæplega fjórum mánuðum í skólanum okkar í Búrkína Fasó. Þar lögðu þau hönd á plóg með öll þau verkefni sem komu upp. 

              alt alt

Á hlekknum fyrir neðan er hægt að sjá myndband sem þau bjuggu til sem gerir starfinu góð skil. 

Smelltu hér til að sjá myndbandið

 

Þegar börn fá tækifæri til að mennta sig gerast stórkostlegir hlutir. Hér eru fjórir nemendur frá ABC í Pakistan. 

Þetta er Mazhar Aslam. Frá unga aldri vildi hann verða prestur en ljóst var að sökum fátæktar hafði fjölskylda hans ekki efni á að senda hann í skóla. Einn daginn heimsótti prestur heimili hans og nefndi við hann möguleikann á að komast í ABC skólann í Farooqabad.

Í dag hefur Mazhar lokið BA prófi í þjálfun sinni að verða prestur og vegferð hans hófst með inngöngu í ABC skólann. Hann þakkar íslenska stuðningsaðila sínum fyrir að hann fékk tækifæri til að raungera draum sinn. 

Þetta er Anum Rustam. Hún er ein af átta systkinum og sökum sárrar fátæktar sá hún enga leið til að ganga í skóla. Íslenskur stuðningsaðili ákvað að styrkja hana og hún fékk inngöngu í Machike heimavistarskólann.

Að loknu námi fór hún í saumaskóla og kennir í dag fagið einmitt í Machike skólanum. Hún þakkar íslenska stuðningsaðilanum sínum kærlega fyrir að hafa gefið henni möguleika á þessu. 

 

Þetta er John Amraphil Akram. Hann var nemendi í Machike heimavistarskólanum. Foreldrar hans höfðu ekki efni á að senda hann í skóla en íslenskur stuðningsaðili sá til þess. John lagði sig mikið fram í námi sínu og fékk nógu góðar einkunnir í samræmdum prófum að hann fékk fartölvu í verðlaun.

Í dag nemur hann hjúkrunarfræði við einkarekinn spítala. 

 

 Að lokum kemur saga Nazish Mushtaq í hennar eigin orðum. 

"Svona hefur ABC barnahjálp í Pakistan breytt mínu lífi. Ég kem frá Farooqabad og ég á þrjá bræður og eina systur. Ég hélt að vegna þess hve fátækir foreldrar mínir voru að ég myndi aldrei geta orðið hjúkrunarfræðingur. En árið 2006 komst ég í ABC skólann í Farooqabad og þar fékk ég tækifæri til að uppfylla draum minn. Að námi loknu í Farooqabad fékk ég inngöngu í þjálfun hjá ríkisspítalanum í Sheikhupura. Árið 2013 lauk ég þjálfun minni og starfaði um tíma í skóla ABC sem hjúkrunarfræðingur. Í dag er ég í fullri vinnu sem hjúkrunarfræðingur á einkareknum spítala í Sheikhupura. 

Þegar ég lít um farinn veg get ég ekki ímyndað mér að hafa komist hingað án hjálpar ABC í Pakistan. Ég vil þakka stuðningsaðila mínum heima á Íslandi og ABC fyrir alla hjálpina. Enginn getur tekið þessa dýrmætu gjöf frá mér". 

Hafa samband

ABC barnahjálp
Víkurhvarfi 2
203 Kópavogi

Opið 9 - 16 virka daga


Sími: 414 0990
Tölvupóstur: