Styrkja starf ABC barnahjálpar
Kaupa gjafabréf með eigin kveðju
Minningargjöf með ABC korti
Finna og styrkja ABC barn

Menntun er mikilvægasti hlekkurinn í að rjúfa vítahring fátæktar.
Tilgangur ABC barnahjálpar er að veita börnum varanlega hjálp í formi menntunar.
ABC barnahjálp er íslenskt hjálparstarf, stofnað árið 1988.

 Reikningsnúmer neyðarsjóðs er 515-14-303000 kt. 6906881589

Tracy er níu ára gömul stúlka og hún stundar nám í skóla á vegum ABC barnahjálpar í Úganda. Hún er bráðgáfuð og hreinlega elskar að ganga í skóla. Tracy býr með móður sinni og þremur systkinum í tveggja herbergja húsi. Þar er ekkert rafmagn og notast þarf við kertaljós þegar kvöldar til að lýsa upp heimilið. Vatn þarf að sækja í brunn í nokkur hundruð metra fjarlægð og það gerir Tracy á hverjum degi ásamt því að hjálpa til við þvott og eldamennsku eftir að skóladegi lýkur.

Móðir hennar þénar örlítinn pening með því að þvo þvott nágranna í þorpinu og stjúpfaðir Tracy fær um 115 krónur á dag fyrir vinnu sína sem almennur verkamaður. Saman þéna þau engan veginn nógu mikinn pening til að kosta skólagöngu Tracy. Ekki er vitað hvar líffræðilegur faðir hennar er niðurkominn. 

Bjartsýnin ríkir þó hjá fjölskyldunni og móðir Tracy er styrktaraðila dóttur sinnar afar þakklát. „Styrktarkerfi ABC færir fjölskyldum von um betri framtíð í gegnum menntun barnanna“, segir hún og vill skila kæru þakklæti til stuðningsaðila Tracy. 

        alt  alt

Moses er sjö ára gamall strákur sem býr í Úganda. Hann á sex systkini og hann býr í húsi með þremur litlum herbergjum og engu eldhúsi. Öll eldamennska þarf að fara fram í stofunni. Josephine, mamman, er eina fyrirvinnan eftir að faðirinn stakk af í faðm yngri konu og hann veitir engan stuðning. Josephine neyddist til að taka lán til að hafa efni á grunnþörfum fjölskyldunnar en þegar hún gat ekki staðið við greiðslur var henni stungið á bak við lás og slá. Elsti sonurinn, Kevin, sá enga aðra leið en að hætta í skóla og fara að vinna til að sjá fjölskyldunni farborða.

Eftir nokkurra mánaða fangelsisvist var Josephine sleppt úr haldi en nú hefur heilsu hennar hrakað all verulega. Hún vinnur nú erfiðisvinnu og þénar um 115 krónur á dag og dugar það fyrir einni máltíð á línuna á dag. Börnin deila tveimur rúmum og nota gömul teppi sem yfirbreiðslu. Til að nálgast vatn ferðast þau um 500 metra í þorp þar sem brunnur er.

 

Þrátt fyrir alla erfiðleikana er fjölskyldan þakklát fyrir sitt og horfir björtum augum á framtíðina. Moses er í skóla á vegum ABC barnahjálpar og tvö systkini hans einnig. Á einni myndinni má sjá stolt börnin í nýju skólabúningunum sínum og þau eru uppfull af væntingum fyrir framtíðina. Josephine vildi koma á framfæri kærri kveðju til styrktaraðila barna sinna og þakka þeim kærlega fyrir að veita börnum sínum tækifæri til að mennta sig. „Með góðri menntun er ekkert utan seilingar“, segir hún og það er hverju orði sannara. 

 

      alt       alt

Reykjavíkurmaraþonið fór fram 20. ágúst og sem fyrr var hægt að safna áheitum fyrir góðgerðarfélög. Alls söfnuðu 42 hlauparar áheitum fyrir okkar samtök og niðurstaðan varð 115.000 krónur. 

alt

Við þökkum hlaupurunum kærlega fyrir þeirra stuðning og svo auðvitað öllum þeim sem hétu á þá. 

Nemendur ABC skólans í Star of Hope í Kenýa hafa lokið keppni í Kenya Music Festivals og þeir stóðu sig með stakri prýði. Þeir unnu sér inn réttinn til að vera fulltrúar Nairobi fylkis með því að bera sigur úr býtum í hverri undankeppninni á fætur annarri og kepptu í lokakeppninni á þessum árlega viðburði. 

alt

Alls keppti hópurinn í fimm greinum sem snéri að ljóðlist og sigraði í einni þeirra. Sigurljóðið ber heitið "The Nervous Race" og var það flutt á ensku. Í hinum viðureignunum hafnaði hópurinn tvívegis í öðru sæti, sjötta sæti og í því tíunda. 

Magnaður árangur hjá flottum nemendum. 

Nemendur ABC skólans í Nairobi í Kenýa halda áfram að gera frábæra hluti í hinni árlegu keppni Kenya Music Festivals. Þeir eru fulltrúar Nairobi fylkis í landskeppninni og eru komnir í lokakeppnina. Í gær báru þeir sigur úr býtum í enn einni greininni og var hún haldin á leikvangi í Nairobi, Safaricom Stadium, sem tekur allt að 60.000 manns í sæti.

alt   

Í dag halda þau áfram og munu keppa í enn fleiri greinum og við sendum þeim jákvæða strauma.

alt

Sannarlega glæsilegur hópur hér á ferð

Hafa samband

ABC barnahjálp
Víkurhvarfi 2
203 Kópavogi

Opið 9 - 16 virka daga


Sími: 414 0990
Tölvupóstur: